Zirlai bu awmlo chungchang

Dated Aizawl, the 6th April, 2017
MZP PRESS RELEASE.
.
Kum 2017-2018 school academic session chu ni 4th April 2017 khan tana ni tawh a, 2017-2018 school academic session luh tan ni-ah hian Mizoram chhungah zirlai ten zirlai bu lei tur an la nei kim thei lova zirlai bu a awm loh avanga zirlaiten an zirlai an zir thei lo hi MZP chuan a hrethiam lo hle a ni.
.
Kum 2017-2018 school academic session-ah hian Mizo Medium(Mizo version) leh English Medium(English version) ten zirlai bu in ang tlang vek zirlaiten an zir tawh dawn a, Zirlai bu hi SCERT lam buatsaih a ni a, SCERT lam hian zirlai bu an buatsaih peih hnuin a chhu tu tur an zawnga a man a tlawm avangin tualchhung press lam atangin chhang an awm lova, chuvangin Govt. press lamah an pe ta a. Govt. press lam hian hetiang ang zirlai bu chhutna an lo neih mai loh avangin Genesis press Guwahati lama chhuttir a ni ta a ni.
.
Kum 2017-2018 school academic session-ah hian school kai tan Ni-ah hian zirlaiten zirlai bu a kim a lei tur an la nei lova, hei hi a chhan ber ni alang chu zirlai bu chhu tu press lam hian an la zawh hman loh vang a ni.Ni 5th April 2017 thleng khan heng zirlaibu te hi a lo la thleng lo a ni:i) Class-II English leh Mathematics. ii) Class-V Hindi.iii) Class-VI Mathematics . iv) Class VII EVS, Science leh Mathematics.v) Class-VIII zirlai bu pakhatmah a lo la thleng lo bawk a ni.
.
MZP chuan kum tin deuh thaw a school kai tan Ni-a zirlai bu zir tur zirlaiten an nei lo ziah hi a hrethiam lo hle a, a hun taka zirlaiten zirlai bu an dawng thei lo thin hi thuneitute inthlahdah vangah kan ngai a ni. Tundinhmuna zirlai bu la awm lo te hi a rang thei ang bera zirlaiten an zira an dawn theih nana hma la turin thuneitute kan ngen a, School calenderhi hriat lawk sa vek a nih avangin school session tan hmaa lo inbuatsaih lawk thin tawh turin thuneitute kan ngen nghal bawk a ni.
.
Sd/
(NANGSAWMTHANGA)
Secretary i/c Publicity