April thla tawp hmain Scholarship beisei

Vawiin 7th April 2017 khan MZP hruaitute leh Mizoram Scholarship Board secretary Pu JH. Zoremthanga te chuan Mizoram Scholarship board office ah inkawmna hun an nei a. Zirlaite Scholarship chungchang sawihona neih a ni.
.
Post Matric Tribal Scholarship hi central atangin sanction hmuh tawh a ni a, mahse Mizoram sorkarah pawisa a lo la thleng rih lova a lo thlen thuai beisei a ni. Zirlaite hnenah zirlai scholarship hi tun thla April 2017 tawp lam chuan pekchhuah hman beisei a ni.

Scholarship hi direct-a zirlaite account a thun tur a nih avangin Zirlai scholarship dil zawng zawngte mahni account te lo ti nung a, lo ti che tura ngen an ni a, kan account te zero balance a dah lo hram hram tur a ni bawk a ni. Zirlaite scholarship dilna-ah kim lo leh diklo nei kan la awm chuan application form kengin Mizoram Scholarship board ah zawhfiah theih reng a ni.
.
Tin, kum 2014-2017 chhunga IGNOU hnuaia Scholarship/fee Re-imbursement pawisa la dawng lo ten Mizoram Scholarship Board Office, Ramhlun North, Aizawl-ah ngaihven tur a ni bawk e.
.
MZP chuan Central sorkar in a taka Mizoram sorkar-ah sum a rawn pek rual rual in a rang thei ang ber a zirlaite hnenah Scholarship semchhuah anih theih nan hma a la dawn a, Mizoram sorkar sum khawihtu department te sum hi a luh hun hunah Scholarship Board thuneitu te hnena sum sem mai theih tura a awm vat theih nan chak taka hma min laksak nghal turin MZP chuan kan ngen nghal bawk a ni.

L.RAMDINLIANA RENTHLEI

General Secretary, MZP