MZP PRESS RELEASE

No. E-93/MZP-GHQ/2015-17/73                      Dated Aizawl, the 7th March, 2017

PRESS RELEASE

MZP  chuan nikum 2016 June thla khan Mizoram Agro & Allied Products, Luangmual ten zirna an kalpui danah thil fel tawk lo leh zirlai ten an zirtur an zir loh thahnem tak a awm tih kan hria a. Hemi chungchang hi MZP chuan a chhuichiang a, Mizoram Agro & Allied Products , Luangmual  neitu pa hi Pu Solomon Vala S/o Lalhmingthanga a ni a. A zirlaite harsatna chu course fee lak loh tur tih kha thlatinin pawisa course fee a lo la thin a. Hemi mai bakah hian an zirna a mumal lo hle a. A course neih loh pui a zirtir a, pawisa tam tak a charge thin a, Mizoram Agro & Allied Products, nei tu pa Pu Solomon Vala S/o Lalhmingthanga hian zirlai awm si lo(zirlai lem) thahnem tak neiin heng hmang te hian sawrkar-ah hamthatna dil thinin a institution a zirlaite hi certificate lem leh marksheet lem te a lo siamsak thin bawk a ni. Tin, Kum 2012 atanga zir tawh te pawh tun thlengin Certificate mumal pek tur a la nei lo a, zirlaite hmakhua a tihchhiat sak vek a ni tih kan hria a.

MZP chuan ni 4th October 2016 khan Zonuam Police outpost-ah hemi chungchang chhuichiang tur hian FIR an lo thehlut tawh a, Police thuneitute leh Mizoram Agro & Allied Products, Luangmual thuneitute nen in dawr in zirlaiten an sum senso zawng zawng hi kum 2016 ralhmaa in pe kir leh vek tura tih a ni a. Mahse zirlaite sum senral hi Mizoram Agro & Allied Products , Luangmual thunei tute lam hian an pe thei lo a ni. Zirlai sum sen ral an pek theih tak lova chuan MZP chuan ni 2nd March 2017 khan MZP General Secretary L.Ramdinliana Renthlei hmingin Zonuam Police outpost ah hian FIR thehluh nawn leh a ni a. Police thuneitu lam hian chak taka hma la in Pu Solomon Vala S/o Lalhmingthanga Mizoram Agro & Allied Products, Luangmual neitu chu vawiin ni 7th March 2017 hian an man ta a ni.

MZP chuan Mizoram chhungah zirlaite hmakhua ti chhe thei tur leh zirlaite tana harsatna awm thei tur zirna In lem ang chi hi tuman siam tawh lo turin kan ngen a, hetiang ang zirna In lem a awm tawh loh nan zirna In registration pek kawngah sorkar thunei tute fimkhur turin kan ngen a. Tun hnu zel ah zirlaite hmakhua ti chhe thei tur leh zirlaite tana harsatna awm thei tur zirna In lem a awm tawh lohna tura hma la turin sorkar thunei tute kan ngen bawk a ni.

(JOSEPH K.ZOHMINGLIANA)
Asst. Gen. Secretary