MZP PR 4th March 2017

PRESS RELEASE

Vawiin March ni 4 , 2017 khan MZP chuan Zoram Ni MZP Conference Hall ah an hmanga, he hun hi Pu B. Vanlaltana Vice President in a kaihruai a, Pu L. Ramdinliana Renthlei General Secretary chuan Zoram Ni hman a nih tawh dan report kimchang takin a pe a. Zoram Ni tak hi March ni 5 a ni a, kumin ah hian Pathianni a nih avangin March ni 4 inrinni ah hman a ni. Kum 2017 Zoram Ni thupui ah hian ‘Mizo Nationalism leh Zofate inpumkhatna’ tih hman a ni.
He huna thusawitu MZP President Pu Lalsangzuala Ngente chuan,“Zoram Ni hi Political Party leh eng pawl mah tih thinurna atan leh tute tan maha rilru nat thar nana hun hmang kan ni lo a. He Ni kan hman chhan chu, Zofate tan inpumkhat leh zual nan te, kan tawrhna avangin inunauna tha leh Zofate ah impumkhtana tha thleng se kan tih avanga he hun hi hmang kan ni a. Thangtharte ah ram leh hnam hmangiahna dik tak in tuh se, tawngkam thiam avang leh politics ah hamthatna duh avanga ka atanga sawi satliah ringawt ni lovin takna tak tak hi kan intuh thar a pawimawh a ni.
Pu Lalsangzuala ngen chuan,”Hnamdang nupui pasal inneih pawlh kan pawisa ta lo lutuk hi a taka kan vei takzet a ngai tawh a, kan thatchhiat vang nge kan ngaihsam vang tih leh a pawizai kan hriat ngun atul a ni. Vote kan duh avangin kan bul vela mikhual chamrei te kan thlahtlam in an pung nasa hle tawh a, kan vei takzet a hun tawh a ni. Sumdawnna ah hnamdang kan thurual puiin kan sum tlemte hmangin kan hming kan hawh tira, inchimralna tana thil hlauhawm tak a nih bakah hnamphatsanna sual lian tak a nih kan hriat a pawimawh. Kan hnam culture kha kan vawngnung reng tur a ni a keini lo chu min humhalh sak tu an awm lo, kan chawisangin kan ngaisang thiam tur a ni. Hnam inpumkhtatna ah Zofate kan thanharh mek a, a lawmawm. Ram hian ri nei mahse Hnam erawhin ri a nei lova unau kan inzawn chhuah a, rorelna pakhat hnuaia awm hi Zofate hian kan vision a ni tur a ni. Zofa chi bil hrang hrang te hian tawng chi hrang hrang kan nei a, hei hi Zo tawng ti hausa tu ni se. Tawng avanga unau ni lovin thisen avanga unau kan ni tih hi Zofate hian i vawng nung tlat ang u.”a ti bawk.
Zoram Ni-ah hian thupui ‘Mizo Nationalism leh Zofate inpumkhatna’ tih chu Pu VL. Krosshnehzova MZP Adviser in sawina hun a nei a, hemi zawh hian thupui hi sawi hona hun hman a ni bawk a ni.

(NANGSAWMTHANGA)
Secretary I/c Publicity

MZP chuan he Ni hmang tura Zoram Mipuite leh Zirlai, thalai lokal zawng zawngte chungah lawmthu a sawi takmeuh a ni.