PRESS RELEASE

No. E-93/MZP-GHQ/2015-17/50                                     Dated Aizawl, the 28th July, 2016

MZP chuan ni 25th July 2016-a Vairengte Village Council, NGO hruaitute leh Lailapur Panchayat ten Lailapur-a joint meeting an neih tuma Lailapur Panchayat leh Lailapur NGO aiawh ten ILP chungchangah inhriatthiamna nena ILP thlahdul deuh an duh thu leh IOC Veng Vairengte thleng ILP ngai loa kal theih a nih theih nana hmalakpui tura Vairengte khawtlang hruaitute hnena ngenna an thlen chu MZP chuan hriatthiam har a ti hle a. MZP chuan ILP hi thlahdul loa tun aia khauh zawka kalpui turin thuneitute a ngen a ni. Mizoram chhunga Rail lian chi passenger phur a lo luh tawh avangin hnamdang thahnem takin awlsam zawkin Mizoram an lo luh theih phah tawh a, MZP chuan India danpuiin a bik taka min humhalhna dan Inner Line Permit(ILP) hi a nihna ang taka hmang tur leh a pekchhuah dan chungchangah pawh fimkhur leh zuala kalpui turin thuneitute a ngen nghal a.

MZP chuan Mizoram chhung a dan lova hnamdang awm Inner Line Permit nei lo te, hnamdang sumdawngte leh Mizo hming hawh a sumdawngte dapchhuakin atul angin hma a la zel dawn a, hnamdang dan lo a sumdawng te dapchhuah kawngah hian MZP chuan Mizo mipuite thlawpna a ngen a. Dan lo a hnamdang sumdawngte hi an sumdawnna tihtawp anih theih nan MZP chuan hmalak a zel a tum a, hnamdang dan lova sumdawngte chungchanga hmalakna tithuanawp zawng leh hnamdang thlavang lo hauh lo turin MZP chuan Mizo mipuite a ngen a ni.

(L.RAMDINLIANA RENTHLEI)
General Secretary