Presss Release. 23rd March 2016

MZP ten kan ngenna ngai pawimawha Mizoram Sorkar in Board exam pawimawh HSLC leh HSSLC te kumtawp exam laia currrent tha tak a pe chhuak a, eng awm lovin an lehkha zir hun a tibuai tam lo nia kan hriat avang leh Mizoram sorkar in zirlaite exam an ngaih pawimawh vanga Powewr & Electricity Department in phai lam atanga kawlphetha Rs. 50,66,788/- man a lei belh vangte in MZP chuan Mizoram Sorkar chungah leh P & E Department thawktute zawng zawngte chungah MZP chuan lawmthu a sawi tak meuh meuh a ni.

Right to Eduaction (RTE) dan tharin elementary zirlai zawng zawngte pawl sawn vek tura a tih laiin private school thenkhatin an zirlai naupangte pawl sang zawkah kaisantir lovin an sukna ngaia suk nawntir leh an awm tih MZP te chuan a hria a, tha lo kan ti tak zet a. Hetianga ti thin school te chungah a tul anga thununna lekkawh a, a rang lama hma la ngei turin MZP chuan thuneitute a ngen nghal bawk a ni.

Aizawl DC ruahmanna anga Inrinni tlai chawhnu lamah Zodin to Treasury Square inkarah Motor thlantir loh tumna awm mek hi MZP chuan thaber in a hre lova, naupang leh thalai zawkte tan intihlimna hmun tur an ngai pawimawh a, hmun hma an duh a nih chuan khawpui lunlai leh Aizawl khawpui tawt tak, traffic jam tamna lai nilo, hmun dang remchang leh fianrial zawk zawng turin thuneitute a ngen a ni.

(HMANGAIHHLIMA)
i/c Publicity